2012 Þjóðleikhúskjallarinn Leikhús Listamanna
Leikendur: Saga Sigurðardóttir: Rómantíkin, Gísli Pétursson: Ungi dansarinn, Ármann Reynisson: Skuggi Ingibjörg Magnadóttir: Sú sem les í ljóðin
Ármann situr í horni vinstra megin sviðs. Gísli bíður bak við tjöldin hægra megin. Saga og Ingibjörg liggja hlið við hlið á gólfinu. Saga startar gjörningum með Butha dansi, hægur dans. Ingibjörg stendur upp og kemur inn í dansinn hjá henni. Gísli skríður undan tjöldunum inn á svið og stendur upp. Hettan og hálsmálið er upp fyrir haus. Hann hristist hratt en litlar hreyfingar, þetta gerir hann í þó nokkra stund og á endanum hristir hann peysuna niður fyrir haus. Hann tekur nokkur spor og hopp á staðnum en á endanum festist hann í einu ákveðnu spori sem hann heldur. Ingibjörg hættir þá að dansa og labbar til Ármanns og tekur fyrir augun á honum. Gísli breytir sporinu í nýtt spor um leið og Ingibjörg tekur um augun á Ármanni. Ingibjörg setur slæðu yfir höfuð Ármanns og kyssir hann á munninn í gegnum slæðuna. Labbar síðan fram á sviðbrún og stingur hendi í gegnum bók. Saga gengur að Gísla og kyssir hann á kinnina og ælir rósablöðum. Gísli opnar munninn eins og að hann vilji öskra en geti það ekki. Hann skríður sömu leið til baka. Saga og Ingibjörg faðmast og kyssast. Ljós slokkna