06. 09. 2017

Reyndi að koma þremur kveikjurum upp á Jullu og Gauta.

Þau vildu það hvorugt.

————————————————–

05. 08. 2017

Mig dreymir að kaldavatnið á heimilinu sé búið.

————————————————–

29. 07. 2017

Dreymir að ég fæði stúlkubarn.

Ég er síðust til að fæða af hópi kvenna.

ótrúlega létt.

———————————————————–

25. 07. 2017

mig Dreymir að gömul vinkona mín segir mér frá ótta sínum við töluna einn.

Að hún forðist þessa tölu í lengstu lög.

Ég bendi henni á að ég hafi oft séð hana nota töluna einn.

—————————————————-

22. 07.2017

Dreymi að ég og bryndís erum í  útflutningi á Villisvínum til Þýskalands.

Ég vildi gera plan.

Svo bættist inn á listann saltfiskur og lamb.

———————————————————

18.07. 2017

Mig dreymir að að ég hafi keypt mér rauða leðurkápu.

—————————————————-

17. 07. 2017

Dreymir að ég sé að gista heima hjá Beggu.

Hún var í nýrri íbúð.

Um nóttina er bankar upp á sálfræðingur sem ég kannast við.

Hann var í frakka með hatt, það var dökkt yfir honum.

Ég var hálf smeyk við hann. Hann vill fá að skoða bók sem ég var með í fórum mínum.

Stóra harðspjalda bók eftir Carl Jung sem var þýdd á íslensku.

Sálfræðingurinn óskaði eftir að fá bókina lánaða.

Ég neitaði.

Draumurinn skiptir um svið.

Ég og melkorka vorum að vinna með liti.

Ég uppgötvaði nýjan fjólubláan lit sem ég notaði til að lita haug af hönskum sem ég bjó síðan til jakka úr.

Melkorka uppgötvaði nýjan appelsínugulan lit sem var notaður í að lita hár.

En ég þurfti að rjúka þar sem ég var orðin flugfreyja.

——————————————————————-

16. 07. 2017

Opnun á myndlistarsýningu hjá mér á morgun.

Ég var sein með allt því ég var búin að ráða mig sem aðstoðarleikstjóra í bíómynd.

Úti á víðavangi voru tveir hópar af leikurum, skipt eftir kynjum.

Við áttum að vinna hugmyndavinnu.

Filippia sem var fathönnuður í myndinninnsá í gegnum þetta.

Hún gaf mér innsýn í hvernig kvikmyndaheimurinn virkaði.

————————————————————-

15. 07.2017

Draumurinn skipti oft um svið.

Við vorum í brattri brekku.

Björgvin var búinn að búa til burðargrind á sheffer hvolp sem við Gauti áttum.

Ég hafði áhyggjur af því að hundurinn væri að bera of mikinn þunga.

Þar sem ég horfi niður brekkuna sé ég siggu björg með Skuggalegu liði.

Seinna í draumnum var ég út á landi í furðulegri meðferð.

Einn þáttur í meðferðinni var sund, ég fór ofaní laugina í strigaskóm.

———————————————————

Við Stína segjum Kolfinnu frá tímabilinu þegar við vorum með slagorðið

„Bringing sexy back“.

Við erum á leiðinni út á lífið.

Seinna í draumnum er ég í boði hjá Katrínu, hún er að stafla litum klósettskálum úr stáli.

Ég frétti að Júlla sé hætt að versla pizzur af Oddnýju og Hilla og kaupi þær núna á nýjum stað.

———————————————————————-

12. 07. 2017

Mig dreymir að ég er inni í stórfurðulegri matvörubúð að leita að sætabrauði handa pabba og mömmu

Það er einhver heimsendastemming, Ég fer út að spjalla við einhverja kalla.

Síðan er ég heima að þvo mér hendurnar með hundraðköllum í mynt.

Pabbi segir að svona margfaldi maður gull.

—————————————————————-

11. 07. 2017

Ég er að hreinsa út úr síðasta eldhússkápnum.

Tek eftir að það er fullt af dóti frá mömmu.

Seinna fæ ég fréttir af því að bróðir Unnars sem leit alveg eins út og hann vildi fá að búa hjá mér.

——————————————————

10. 07. 2017

Mig dreymir að ég fékk að leikstýra verki eftir mig og öðru sem Sól bað mig um að vinna.

Vesturfararnir Arne og Freyja voru með mér í öðru verkinu.

———————————————————————–

09. 07. 2017

Dreymdi að ég fékk að þvo fjóra brjóstahaldara hjá Katrínu Teo.

———————————————————–

06. 07. 2017

Dreymir að Wayan ætti afmæli.

Það var búið að gera risastórt líkneski í gjöf handa honum.

Líkneskið samanstóð úr minnum úr hindúisma og íslenskum þjóðsögum.

Seinna í draumnum var verið að heiðra Egil sæbjörns fyrir sýninguna á tvíæringnum.

Í þessum hluta draumsins líktist umhverfið simpsons þætti.

Egill var látinn drekka bjór á hvolfi.

Ég hugsaði, hann á svo erfitt með að drekka svona mikið.

——————————————————

04. 07. 2017

Ég hitti jón gnarr í draumnum.

Í seinna skiptið vorum við að horfa á stórar vídeó-projeksjónir.

Við töluðum um hvernig þetta myndi verða þegar allt yrði 3 -D.

Jón sagðist bara ætla að taka ljósmyndir af því.

Það var verið að elda hamborgara en jón vildi frekar kjötfars og kálböggla.

——————————————————-

03. 07. 2017

Mig dreymir að ég er að setja upp einkasýningu.

Það er kaffihús í galleríinu og mikið af drasli.

Pabbi og Mamma eru að hjálpa mér.

Ég ákveð að sýna portret mynd af mér og apa.

Ég var mjög óörugg.

—————————————————–

02. 07. 2017

Ég er að undirbúa útskriftarsýningu í Listaháskólanum.

Það er vika í sýningu og ég ekki komin langt með verkið.

Gauti er að hjálpa mér.

mér finnst listaverkið ómögulegt, gamaldags.

Ég ætla að nota vefbekkinn sem grind fyrir verkið.

Það kviknar í rafmagnskló, bráðið plastið lekur.

Svo er ég stödd við ráðhúsið, þar er spaugstofan að taka upp þátt.

SIggi sigurjóns er á leið upp í leigubíl.

 Ég spyr hann hvort hann sé að fara í byggingavöruverslun og hvort ég megi koma með.

Hann jánkar því.

—————————————————-

30. 06. 2017

Mig dreymir að ég og Harpa Arnardóttir erum í svetti.

Tjaldið sem svettið fer fram í er gríðarlega stórt og þátttakendur mörg hundruð.

Ég hafði miklar áhyggjur af því að ef eldur kæmi upp yrði erfitt að komast út.

——————————————-

25.06.2017

Mig dreymir að við Gauti erum að spá í með ungum bónda að flytja út í óbyggðir.

Þar ætluðum við að vera með sjálfstyrktar búskap.

Dauð lömb og dauð svín voru þarna í pokum.

Ég vissi að við myndum ekki hitta marga þarna og ekki komast til byggða yfir vetrartímann.

Í draumnum var ég líka í göngu með konu sem ég þekkti ekki og í tískuvöruverslun að kaupa ný föt.

—————————————————–

21. 06. 2017

Það birtist auglýsing í mogganum um sýningu sem ég var að opna.

Gallinn var að auglýsingin var vitlaust dagsett og sýningin átti að vera degi seinna.

Allt endaði þetta í mestu kaos senu sem ég hef séð í draumi.

 Þarna voru verðir sem voru sárir út í mig fyrir að reykja inni í hinum skringilegustu húsakynnum.

Fullt hús af listamönnum.

Úldin mjólk, mikið af dýrum eins og loðnum spökum eðlum sem lögðust í fangið á manni.

————————————————–

20.06.2017

Við Gauti erum að fara að gifta okkur.

Brúðkaupsveislan á að fara fram í lítilli íbúð sem við leigðum.

Það átti eftir að taka til.

Ég lagði kodda á rúm og bók með ungabarni á forsíðunni.

Gunnar Smári var þarna, hann var lítill í sér svo ég spurði hann hvað væri að.

Hann sagði mér að hann hefði drepið pabba sinn þegar hann var lítill.

Ég tók utanum hann og við grétum saman.

—————————————–

23. 02. 2017

Er í veislu, fólk í biðröð, ég ákveð að vera síðust og hugsa með mér:

Vonandi verður kakan ekki búin þegar ég kemst að.

Ég sá að þetta var stærðarinnar kaka gerð úr mörgum botnum.

Ég fékk mér þunnar en mátulega sneið.

Til borðs sat norskur prestur.

Seinna völdum við Sissa okkur Rauða toppa,

ég hafði áhyggjur því að ég hafði ekki ráð á þessu.

í draumnum var ég líka að kynna eitthvað,

Guðmundur Ragnar, Harpa Arnardóttir voru meðal annars í áhorfenda hópnum.

———————————————————-

15. 02. 2017

Finn brunalykt, sé að það er sót á eldhúsrúðunni.

Við Gauti förum í íbúðina niðri, brennandi kartöflur á pönnunni sem gauti hafði verið að elda.

Hann lét eins og ekkert væri.

Draumur skiptir um svið, ég er að fara í gegnum gömul föt,

týni úr það sem mér finnst fallegt.

Sól kemur og fer yfir smá bunka, segir að hún vilji ekkert af þessu.

Gömul skólasystir er í næsta herbergi,

þetta er kjallari allt i drasli, við horfum á upptöku af gjörningi eftir Friðgeir í tölvu.

Ég segi henni að ég hafi gefið út handrit með gjörningunum mínum.

Hún segist eiga handritið en á einum stað hafi vantað inn í upphaf setningar orðið faðir.

Seinna held ég á tveggja ára barni sem sofnar í fanginu mínu.

Mér er sagt að barnið sé fætt sama dag og ég 12. október.

Ég segi að hún eigi eftir að vera mjög sjálfstæð.

Það verði ekkert hægt að segja henni til.

—————————————————————–

12.01.2017

Ég var stödd á skyndibitastað með Skoskum gjörningalistamanni.

Mig langaði að sýna honum möppu með gjörningunum mínum þegar ég kæmi til Skotlands,

en við vorum á leiðinni að fara sýna þar saman.

Ég tók fram að ég væri að hætta í gjörningum og ætlaði að snúa mér alfarið að leikritun.

Hann sagði mér að hann væri einnig í byggingarvinnu,

það þótti undarlegt þar sem hann naut mikillar velgegni.

Siggi pabbi Magna og hans fjölskylda var allt í einu mætt, í barnavagni var nýfædd systir Magna.

Ég klappaði á kollinn á Magna sem var svona sjö ára og sagði að hann væri elstur.

——————————————————————-

2. 02. 2017

Við  horfðu yfir vinnustofuna okkar og hún var fullkomin.

Melkorka var með lítið píanó, ofin motta á gólfinu.

Ég hugsaði, þetta gæti verið sálfræðistofa.

—————————————————

31. 01. 2017

Við stöndum fyrir framan gríðarlega stóra vöruskemmu á fimm hæðum.

Stína og Kolfinna sýna mér svæðið.

Ég rekst á Hannes Lárusson, við fáum okkur þorramat og setjumst við sama borð.

Það kemur í ljós að við höfum bæði verið að glugga í sama bleðilinn um apana,

forfeðurna.

Stína segir mér að það eigi að halda sýningu þarna.

Draumurinn breytir um svið, við Gummi bróðir erum með pabba í gamla BMW-inum.

Við segjum pabba hvað við hefðum alltaf skammast okkur fyrir hvað bílinn var gamall og illa farinn.

———————————————————

30. 01. 2017

Ég er í skrítinni íbúð,  á gólfinu er grind yfir frekar stóru opi,

ég tek eftir því að púði sem liggur ofaná grindinni hreyfist.

Þegar ég lyfti púðanum af grindinni, kem ég auga á hönd sem dregur flíkur af mér niður opið.

Lifandi fílsungi er líka dreginn þarna niður.

Seinna í draumnum er ég með Gumma bróður.

Það er eitthvað að angra hann,

Við horfum saman út um gluggann og ég segi að heilinn sé flóknari en allt sólkerfið.

Himininn er þakinn stjörnum.

Við teljum saman afturábak.

—————————————————

22. 01. 2017

Dreymdi að ég var að kveðja Björk en við höfðum verið saman í sumarbústað.

Ég sagði henni að hún ætti að halda hita á bringunni.

Hún tók þessu eins og ég byggi yfir yfirskynlegri vitneskju og mér varð ljóst að álit hennar á mér óx.

Samt var þetta ekki satt, ég hafði heyrt af þessu og byggði heilræðið ekki á eigin innsæi.

f1a26579cee85ff5717687054c948a9e

———————————————————————

14. 01. 2017

Dreymdi að ég var við einhverja athöfn.

Begga Braga söng, tóninn var einstaklega tær.

Mikið lófatak.

imgres

————————————————-

8. 01. 2017

Dreymir að ég geng í hringi með smjörstykki í fanginu.

Kollegi hefur orð á að þetta gæti orðið fallegt vídeóverk.

Seinna horfi ég myndbandsverk eftir mig sjálfa,

í lokaklippan sýnir mig stíga af miklu öryggi út í árfarveg í rauðum háhæluðum skóm.

images

————————————————————

16. 12. 2016

Horfði á afar fagurt fuglapar uppi í tré.

Karlfuglinn var skrautlegri.

 Ásta sagði okkur að hún ætlaði að skipta um starf og fara út í listsköpun.

Oddný systir reyndi að draga úr henni.

henni fannst þetta ekki góð hugmynd,

of óöruggt starf.

images

—————————————————

15. 12. 2016

Dreymdi að ég var hjá þerapista,

 ég átta mig á að þetta er önnur stofa en við vorum vanar að vera í.

Ílangt gluggalaust herbergi með klósetti og vaski í öðrum endanum.

Við tölum saman um að klósettið líkist altari og að í gamla daga hafi það verið tákn fyrir

andlega ferðalagið.

Þerapistinn hegðar sér undarlega og ég átta mig á að það er ekki allt í lagi,

á því augnabliki fellur hún í gólfið, ég hleyp fram og öskra:

Hringið í sjúkrabíl.

Enginn er á skrifstofunni, ég tek upp símann 112, símarnir virka ekki.

Hótel var í drauminn, fór á milli herbergja, vatnsleki, Ítölsku curatorarnir,

fleiri símar voru í draumnum sem virkuðu ekki.

imgres

————————————————————–

13. 12. 2016

Ég var í úthverfi í LA með Bryndísi.

Ég var  hrædd við að búa þar og reyndi að fá inni á hótel sem var nær miðbænum.

Fann 25.000 í peningum.

LA var furðuleg.

Síðan var ég stödd á spítala.

Ég hafði  komið of seint í viðtal því að ég fattaði ekki að læknastofurnar væru líka í kjallaranum.

Þar á ganginum hitti ég lækni sem ég átti að fara til.

Hann hélt á seðlaveskinu mínu sem ég hafði týnt en hafði ratað í afgreiðsluna.

Hann hét Baldur og var bæklunarlæknir.

Viðtalið fór fram á ganginum úti í horni.

Hann byrjar á að segja mér frá nýrri skurðtækni með nánast engu inngripi.

Hann sýnir mér bæklinga sem áttu að kynna þessa nýju aðferð.

Svo töluðum við um aðgerðina, sem ég var að koma í eða ný komin úr, háls kirtla taka.

Ég byrja að segja honum mína sögu, frá spítala dvölinni sem barn en það verður truflun.

Einhver hringir, Baldur svarar símanum.

images

————————————————————–

6.12.2016

Við vorum flutt saman til Seyðisfjarðar.

Það var fallegt þarna, við garðinn var gólfvöllur.

Vinkona mín var á pínu litlum rauðum sportbíl sem hún keyrði upp brekku en komst ekki.

 Gauti hafði keypt hús sem átti eftir að gera upp og væri mikið verk, áætlaður kostnaður 5 miljónir.

 

———————————————————-

30.11.2016

Dreymir að ég er á tali við eldri mann,

röddin var falleg en þegar ég lýt í augu hans sé ég að hann er með þrjú. Þrjú falleg brún augu.

Seinna í draumnum fæ ég símtal frá Uber bílstjóra sem segist hafa keyrt frá Ítalíu til Bali.

Að ég hafi pantað bílinn og þurfi að greiða fyrir þjónustuna.

imgres

————————————————-

28.11.2016

Ég stakk hendinni á kaf ofaní klósettið og dró eitthvað upp,

furðaði mig á því hvað það þurfti lítið til að losa stífluna.

imgres

——————————————–

21.11.2016

Setningin, jörðin á eftir að fara í gegnum sjö ár af helvíti kom til mín í draumi í nótt.

images

———————————————————-

20.11.2016

Dreymdi að ég ætti að kynna mér The hero´s Journey eftir Joseph Campell

heros-journey

———————————————————

19.11.2016

Ég var í bíl með mömmu og pabba. Mamma segist þurfa hjálp með hjartað, að henni væri ýlt í því.images

—————————————————

8.11.2016

Regnbogi myndar baug yfir himinháum turni,

ég er í Akraborginni á leiðinni út flóann.

Með mér í ferjunni er Guðmundur maður frænku minnar,

hann tekur vinalega um öxl mína og segir mér að himnasýnin sé tálsýn,

þetta sé í rauninni ljósasýning frá Smáralindinni.

Akraborgin byrjar að sökkva, lóðrétt.

Ég spyr Guðmund að því hvað við eigum að gera núna?

Hann svarar ekki en tekur upp símann og hringir inn neyðarkall.

Ég held mér í þverslá, báturinn fyllist af sjó og þar sem ég hangi þarna hugsa ég:

Ég er sterk, ég get léttilega haldið mér.

imgres

————————————————————–

14.06.2016

Ég var inní húsi og hafði gengið upp á efstu hæð,

þar spurðist ég fyrir og þá kom í ljós að þetta var hótel.

Þetta var í Vallettu.

við gauti vorum inni á herbergi.

Ég var með tvö sápustykki sem ég var ný búin að kaupa.

imgres

———————————————————

06.06.2016

Mér var litið út um gluggann, sé þar gamla vinkonu sem ég hef ekki hitt lengi

koma ganandi í átt að húsinu mínu. Hún leiðir tvær litlar stúlkur.

Ég fer upp á Borðplötuna við eldhúsvaskinn til að sjá hana betur, hún lítur upp til mín.

imgres

————————————————

05.06.2016

Dreymdi að og Ásdís vorum með alveg eins hatta. Þeir voru sérstakir, barðastórir.

imgres

——————————————————

04.06.2016

Dreymdi að Davíð Oddson var að sækja á,

 við hlið hans sat kona, hún var sitjandi forseti.

imgres-1

——————————————————–

30.05.2016

Ég var niðrí steinsteyptum kjallara, útidyrabjallan hringir og ég fer til dyra.

Við þröskuldinn liggur gamall asískur barnagalli.

images

————————————————–

22.05.2016

Ég hitti konu sem var nýkomin úr aðgerð á heila.

Það var búið að brjóta upp á henni höfuðkúpuna og gera aðgerð.

Hún var með plástra yfir en það gapti samt inní kúpuna.

Konan var gjörsamlega áttavillt.

Jón Gnarr var þarna, hann var að senda mynt til útlanda og Silvía Nótt var uppi á hálofti.

imgres

——————————————————–

15.05.2016

Dreymdi að ég hefði hitt gamla skólasystur og nöfnu.

images

——————————————————

11.05.2016

Tveir draumar.

Ég var á pramma með einhverjum sem man ekki hver var.

Sá sem stýrði stímdi niður bát.

ég horfði á bátinn sökkva.

Seinna var ég að leita að einhverju, labbaði á milli búða.

í seinni draumnum var ég mætt í sálfræðitíma.

Sálfræðingurinn tók á móti mér og kynnti sig.

Ingibjörg.

Ég áttaði mig strax á að þessi kona var virkilega ófagleg og hreinlega hryllingur.

Ég snérist á hæl og hætti við að fara í  tímann.

images

————————————————————-

08.05.2016

Það gefur sig einhver á tal við mig og segir:

Ég ætlaði ekki að þekkja þig þú hefur gildnað.

Ég móðgaðist ekki, en var bara hissa.

Horfði niður eftir líkamanum hugsaði:

Er það?

images

———————————————–

27.05.2016

Í nótt komu til mín tveir draumar.

Ég var heima hjá Röggu, í garðinum hjá henni var snævi þakið fjall.

Við ákváðum að fara upp fjallið, ég var mjög hrædd en Begga Braga hvatti mig áfram.

Í hinum draumnum var ég í endurvinnslunni.

images

—————————————————-

26.04.2016

Ég horfði í spegil, á móti mér stóð lávaxinn maður með gleraugu.

Ég var maður, maður með axlasítt hár og gleraugu.

Ég tók af mér gleraugun og furðaði mig á því að ég sæi betur með þau.

imgres

——————————————————-

8.03.2016

Dreymdi að ég var með Júllu og Krumma, við vorum í einhverju svakalegu verkefni.

imgres

——————————————————-

1.03.2016

Ég var komin með aðgang að einkaþotum, flugvöllurinn sem þjónustaði þoturnar var ólýsanlegur.

images

———————————————

26.02.2016

Dreymdi að ég var flutt í aðra íbúð.

Við Gauti bjuggum á sitt hvorum staðnum.

Það sem mér fannst verst við þessa nýju íbúð sem var á jarðhæð var að svefnherbergis glugginn vísaði út á götu.

imgres

—————————————————-

25.02.2016

Dreymdi að pabbi og mamma voru bæði komin í nýtt nám.

images

———————————————————–

16.02.2016

Mig dreymir að Obama, forseti var á leiðinni í  heimsókn til móðurfjölskyldu minnar.

Obama mætir og ég horfi á alþýðulegu aðstæðurnar sem hann var í.

Það var ákveðið að halda veisluna heima hjá pabba og mömmu en við bjuggum ennþá í Norðurbrún.

Ég átti pantað í klippingu og kunni ekki við að sleppa tímanum.

í einni sviphendingu var ég stödd út á landi,

ég var í klippingu og bað hárgreiðslumeistarann sem skipti stöðugt um kyn að mála mig líka.

Ég fékk líka andlitsförðun, hann mátti ráða.

Ég hringi í Oddnýju systur.

Seinna í draumnum er ég á gangi út á landi og sé Oddnýju koma brunandi á svörtum bíl.

Hún er mjög hamingjusöm á leiðinni á tónleika með Bubba.

Ég finn tónleikana sem voru haldnir í gufubaði.

Einhver kona segir mér frá því að Bubbi þori sjaldan að bóka stóran sal, hann sé hræddur um að enginn komi.

images

———————————————————————-

23.01.2016

ég var með mömmu hjá afa og ömmu á eyrarbakka.

Amma var komin með aldzaimer´s.

Svefnherbergið þeirra var hrörlegt, byggt úr við.

Þar sem ég er að þurrka af sé ég að rúmið er gert úr mold.

í holum sem voru í rúminu uxu dökkvínrauðir túlípanar.

í draumnum var amma 75. ára.

images

—————————————————————

15.11.2015

Ég var í bíl, með Degi borgarstjóra og Gauta.

Tobbi var þarna líka, í plastpoka, hafði þvælst óvart með.

Við stoppuðum og ég og Dagur þræddum stórar fokheldar byggingar í Austurstræti.

ég talaði um að hægt væri að breyta þeim, opna bónus búð og húsgagna verslun.

Dagur talaði um að það vantaði tönn í Gauta.

Ég gleymdi að Tobbi var enn í pokanum,

þegar ég áttaði mig á því og leit ofaní pokann hélt ég eitt augnablik að Tobbi væri dáinn.

konungur_arrodans

———————————————————–

03.11.2015

Dreymdi að ég opnaði ísskápinn hjá mömmu vinkonu minnar.

Í hillunum var þvílíkt magn af mygluostum sem voru útrunnir eða við það að renna út.

images

——————————————————————–

29.10.2015

Dreymdi að ég var heima hjá úlfi og ara eldjárn, þeir bjuggu hlið við hlið.

Ari átti heima í ótrúlegu húsi,

Það var afskaplega fallegt.

á báðum heimilunum var mikið af börnum.

Ég fór niðri kjallara og var að tala við Gumma bróður í símann á meðan.

Niðri kjallaranum var snarbratt grasgróið gil,

ég klöngraðist niður, snögglega áttaði ég mig á því að þetta var hættulegt.

mjög hættulegt.

Ég komst aftur upp, Gummi var enn á línunni.

imgres

——————————————————-

28.10.2015

Dreymdi að ólöf arnalds hefði skipulagt einskonar yfirlitsýningu á túlkun hennar á verkum eftir myndlistarmenn.

Sýningin á kjarvalstöðum.

Ég vissi ekkert af þessu, en þarna var risa túlkun á innsetningu eftir mig.

Pabbi og mamma komu, þau voru mjög glöð og aðeins yngri en þau eru í dag.

Það var mikið af fólki, við settumst upp við vegg.

Allt í einu stóðu pabbi og mamma upp og gengu upp að píanói sem var í salnum.

Pabbi spilaði og mamma söng, þetta var ótrúlega flott.

Ég var hissa á hvað mamma söng vel, hrá túlkun.

Svo sé ég allt í einu birtist videó speglun á glampandi fleti píanónsins.

í myndinni lág afi í jakkafötum upp í rúmi og pabbi lág við hliðin á honum.

imgres

———————————————————-

20.10.2015

Það var afmælisveisla, ég hafði látið það berast að mig langaði í ákveðið ilmvatn með lavender ilmi.

Margir úr ritlistinni mættu og ég fékk þrjú glös af sama ilmvatninu, etude perfume, etude toilet

 og parfume.

imgres

————————————————————–

18.10.2015

Ég var búin að lita á mér hárið, það var mjög dökkt.

Allt í einu sé ég að liturinn er ekki eins.

Hárið var orðið ljóst með bleikum lokkum.

í draumnum vissi ég ekki af hverju en liturinn breyttist.

Mig grunaði að breytingin hefði orðið í sundi.

imgres

————————————————————————-

19.09.2015

Dreymdi að ég hefði fengið boð um að sækja um vinnu á auglýsingarstofunni sem Friðgeir vinnur á.

Ég var stödd í hæfnisprófi.

Þarna var magga bjarna og fleira fólk.

Ég var að þylja upp orð sem byrjuðu á Ui og átti að syngja vísnasöngva.

Ég hugsaði allan tíman, gott hvað ég er afslöppuð.

imgres

—————————————————-

13.09.2015

Dreymdi að unnusti vinkonu minnar væri kominn með staf.

images

———————————————————-

03.11.2015

Dreymdi að ég fékk far með Forsætisráðherra í bæinn.

Við vorum út á landi.

Á leiðinni þurftum við að gista í sama herbergi.

Hann var mjög góður bílstjóri það sá ég þegar við þurftum að snúa við eftir að ég stökk inn í bókabúð.

Ég spurði Sigmund Davíð hvort hann væri utan af landi og hann sagðist vera það.

images

——————————————————–

10. 08.2015

Dreymdi að harpa hefði sent skilaboð á facebook svo hljóðandi að hún saknaði okkar og bauð til veislu upp í sumarbústað.

yfir hundrað manns var boðið.

imgres

———————————————————————

28.07.2015

Ari Þjóðleikhússtjóri hafði misst annan fótinn í slysi, ég var svolítið lengi að taka við mér þar sem ég var á slysstað.

En svo gerði sig einhver tilbúinn að hjálpa honum og þá rauk ég af stað.

Ari afturá móti vildi enga hjálp og flytti sé inn i eitthvað herbergi.

Hann var svo komin með gervi fót sem ég sá af því hann var í stuttbuxum.

imgres

————————————————

19.07.2015

Dreymdi að ég var á einhverju svakalegu flakki með Snorra.

Fórum meðal annars á marga bari og lítinn sérstakan AA fund.

Við vorum á svakalegum hlaupum.

Það voru ferðalög framundan og við vorum að tala um flugferðir og lestarferðir.

Þegar við vorum svo að reyna að komast niðri í bæ hljóp Snorri yfir sæbrautina og stökk upp á byggingu og kippti niður stóru Oi sem var partur af nafni fyrirtækis.

imgres

—————————————————————-

18.07.2015

Við íbúðina okkar Gauta lág önnur flennistór íbúð.

Ég gekk inn í hana og hugsaði, það er fullt hérna í geymslu sem á eftir að henda.

Inn af geymslurýminu var salur sem var með allavega fimmtán metra lofthæð.

Loftið tók sig upp í spíssum á fimm stöðum og var málaður blátt.

Ég hugsaði, mig langar að mála allt í hvítum lit, við Gauti gætum haldið brúðkaupsveisluna hér heima.

images

——————————————————————————————

14.07.2015

Dreymdi að ég og Ásdís vorum að kenna leiklist upp í listaháskóla.

images

———————————————————–

13.07.2015

Ég hitti Davíð Örn, hann var með barnavagn í honum var undurfagur drengur.

images

————————————————————

07.07.2015

Ég var að ryksuga tröppur í stigagangi,

Lóa var í inni í íbúð sem var efst á ganginum.

Við töluðum saman í gegnum hurðina.

Ég var búin að breyta einni íbúð sem biðstofu.

Svo var ég í flugi, ási var þarna og jónsi.

Inni í flugvélinni voru íbúðir og ranghalar.

Ég var að tala við eiganda wowair.

við vorum að fara að lenda eftir mjög erfitt flug.

Eigandinn sagði mér að fara aftast út af súrefninu.

images

————————————————————–

04.07.2015

Dreymdi að ég var með ljóðaupplestur í Austurríki með stelpunum úr skólanum.

Ég var í síðum svörtum kjól með hnút í hárinu við hnakka.

Forsætisráðherra var þarna,

Ég vildi að forsætisráðherra fengi skilaboð frá mér að hvíla sig vel yfir helgina.

Hann var mjög veikur, jafnvel dauðvona.

Við hægri hlið hans var kona,

það hafði einhverja þýðingu í draumnum.

Þetta var ekki sigmundur davíð heldur Guðni Ágústsson.

Það voru fleiri ljóðahátíðir, ein á einhverjum bar í reykjavík.

Börn voru hrædd inni á þessum börum.

images

———————————————————-

30.06.2015

Dreymdi að köttur nágrannans var búinn að míga á mottu sem ég hafði hent út.

Nágranninn tók mottuna mína inn til sín.

images-2

—————————————————-

29.06.2015

Dreymdi að ég var alein og varð fyrir árás hjá Hlemmi.

Löggan kom vopnuð.

images

——————————————————

28. 06.2015

Dreymdi að Inga frænka kom með Aðalbjörgu í heimsókn.

Ég var frekar pirruð af því að þær gerðu ekki boð á undan sér.

558834_1385184565069209_1216707296_n

————————————————————

27.06.2015

Dreymdi að var að taka þátt í erlendri sýningu.

Þar var maður með uppblásna sundlaug.

í sundlauginni voru svo hundar sem komu upp úr lauginni og fóru svo aftur oafní.

images

————————————————————-

23.06.2015

ósk vilhjálms sagði að ritlistin væri í vinstra heilahvelinu en teikningin í því hægra.

Þá sagði stína, ég hef alltaf ljóðin á hægri síðunni og teikninguna á þeirri vinstri.

images

——————————————————————–

5.06.2015

Ég var með Hörpu og Kolbeini við vorum að lesa úr tækniteikningum.

Ég var nokkuð fær í þessum lestri.

Við grínuðumst með að kolbeinn ætti að fá sé tattúeraða tækniteikningu eftir hryggsúlunni.

Síðar í draumnum erum við stödd í bíl.

Harpa keyrir upp snarbratta fjallshlíð, ég hendi mér út úr bílnum.

Bílinn stendur á afturhlutanum lóðréttur í fjallinu.

Þau koma út og Við ræðum málin og horfum á bílinn.


imgres-1

———————————————————

29.05.2015

Dreymdi að ég var komin með hár sem náði niðrá rass.

imgres

—————————————————————

27.04.2015

Dreymdi að ég var með Mörtu Maríu á Smartlandi.

Ég var ný komin með doktorsgráðu.

imgres

—————————————————————-

21.04.2015

Ég keypti mér ljósbláan leðurstakk sem var á útsölu.

Á verðmiðanum stóð að 1918 hefði hann kostað fjögurhundruð  þúsund.

En nú 2015 kostaði hann 218.000.

Hann var á 80% afslætti og var því í draumnum á 30.000.-

Ég mátaði stakkinn, fóðrið var opið að framan en ég hugsaði, ég verð alltaf í bol undir.

Ég borgaði, undirskriftin mín var öðruvísi.

images

—————————————————-

11.04.2015

Í draumnum hugsaði ég: það er að koma heimsendir.

En ég náði á einhvernvegin að ýta hugsuninni frá mér.

Seinna í draumnum hringir Gummi bróðir og segir það væri að koma heimsendir.

imgres

—————————————————————————-

03.03.2015

Dreymdi að ég átti að vekja Sól í skólann, en vakti hana ekki.

Hún vaknaði alveg brjáluð.

imgres

———————————————————

10. 03.2015

Dreymdi að ég fór í fyrri hluta inntökuprófsins í læknisfræði, ég stóðst það próf.

Vildi hitta siggu dýralækni fyrir vestan, hún átti að hjálpa mér með seinni hluta prófsins.

Margir hundar voru í draumnum en sjálf var 28 ára.

Seinna var ég í sjónvarpsþætti um rasisma. Þarna var ég, ólöf skafta, júlla, natalie.

imgres

————————————————————————————————–

09.03.2015

Dreymdi að ég hitti Beggu, hún var barnshafandi, komin nokkra mánuði á leið.

Ég sagði, þú verður að hitta Ásdísi, hún er líka barnhafandi. Í draumnum fannst mér Stína einnig eiga von á barni.

images

——————————————————————————-

þegar ég vaknaði og labbaði fram hélt ég að við Gauti værum á Akureyri

imgres

————————————————————————

20.02.2015

Dreymdi að ég og Gauti gistum hjá Önnu Siggu og Úlfi.

Svo vaknaði ég og Gauti var ekki í húsinu.

Ég kallaði Gauti, Gauti.

1526176_10201931783430270_2012710645_n

————————————————————————-

19.02.2015

Dreymdi að ég var í rútu eða strætó sem Guðfinnur var að keyra.

Ég var í framandi borg og óttaðist að týnast.

Í rútunni sat ég með Lollu og Ilmi Stefáns.

Ilmur var að ráðleggja mér varðandi sýningu sem ég var að fara setja upp.

Það fór í taugarnar á mér.

images

—————————————————————————–

09.02.2015

Dreymdi að ég var með mikinn verk fyrir hjarta, ég gat gengið en samt kom sjúkrabíll að ná í mig.

imgres

—————————————————————————-

08.02.2015

Dreymdi að Eva gaf mér bleikan Chanel varalit.

Hún sagði að ég þyrfti að vera brosandi þegar ég væri með hann.

images

————————————————————————-

25.01.2015

Mig dreymdi að stór sending af ávöxtum var komin til landsins.

Ég ætlaði að kaupa inn en stór hluti skammtsins var að fara á spítala.

Ég sagðist vilja fá blóðappelsínur en mér var sagt að þær væru búnar.

Ég horfði í kringum mig og sá að það voru enn til blóðappelsínur sem litu þó út fyrir að vera appelsínur.

Ég fékk nokkrar.

images

——————————————————————————-

24.01.2015

Ég var að fagna með ágætlega stórum hóp opnun sýningar.

Halldór Björn var þarna, ég var að halda ræðu sem hann veitti litla athygli.

Ég talaði um að skera í gegnum óefnið.

Seinna var ég í leigubíl, við keyrðum á einhvern stað upp í fjöllum þar sem ég var að kenna.

imgres

——————————————————————————————————–

18.01.2015

Dreymdi að Kata Theo var komin í nýja íbúð.

Þar var hún með vinnuaðstöðu inni í fokheldu herbergi.

Inni stofunni var auka rúm þrátt fyrir að hún væri með svefnherbergi.

0131638_24-before_s4x3_lg

———————————————————————————————–

08.01.2015

Dreymdi Friðgeir og Kristínu Eysteins í nótt.

Ég var fyrir utan húsið hennar Kristínu.

Ég fór inn til hennar án þess að vita hvort að ég væri velkomin.

 Ég hafði orð á því hvað hún liti vel út og hún sagði það sama um mig.

Friðgeir var í bíl með okkur Gauta og einhverjum fleiri rafvirkjum.

Hann talaði um að hann fengi frían hádegis mat.

Seinna í draumnum tók ég eftir silfur hálsmeni sem Friðgeir var með.

Sigrún hafði gert þetta hálsmen, það var einskonar bikar eða drykkjarílát.

images

——————————————————————————————-

11.12.2014

Dreymdi að ég og Curver skiptumst á More og Capri sígarettum.

images

—————————————————————————–

15.10.2014

Mig dreymdi að ég sat með vinkonu minni  í tröppum.

Við  föðmuðumst.

Þetta var sterkt heilunarfaðmlag.

Við töluðum um líkamleg áhrif.

Ég grét, minnir mig.

Ég vildi vera lítil í hennar faðmi og að lokum fór ég niður á hné og kraup fyrir framan hana og bað hana að fyrirgefa mér.

Seinna dreymdi mig að Ásta ætti annað barn.

Í draumnum var það fimmta barnið.

images

————————————————————————————–

14.10.2014

Mig dreymdi að ég var að horfa á stjörubjartan himinn með Ritu og Piear Poulo.

Himininn var þakin stjörnum og Poulo vaggaði barnavagni.

Hann átti ekki drenginn sem var í vagninum.

images

—————————————————————————-

 

11.10.2014

Dreymdi að ég var í gæsluvarðahaldi í London.

ég hafði gleymt ferðatöskunni minni á paddinton lestarstöðinni.

Þetta var hryllilegt kvennafangelsi.

Ég var að reyna að skýra út fyrir fangaverði að gjörningalist væri virðuleg grein innan myndlistar.

Ég taldi upp námið sem ég hafði verið í.

martröð

ackgh5Z

—————————————————————————-

9.10.2014

Dreymi að Gauti hefði rakað af sér allt hárið.

imgres

——————————————————————-

2. 10.2014

Mig dreymdi að einn leikstjóri sem ég þekki væri að skilja.

imgres

————————————————————————–

25. 09. 2014

Dreymdi að mér var ekki boðið í afmæli Hörpu.

Dreymdi líka að Raggi Kjartans var að bjóða mér að láta heimsfrægan kennara fá handrit eftir mig.

Ég gleymdi tveimur pörum af skóm í skólanum.

Harpa kom þangað, hún var í glasi og sagði mér að ég hugsaði allt of mikið um sjálfan mig.

Það hringdi í mig stelpa og hún vildi fá hjálp því einhver hafði hafnað henni.

Ég hugsaði: ég á eftir að fara í gegnum höfnunina, ég get ekkert hjálpað.

images

——————————————————————————————-

19.11.2014

Mig dreymdi að ég var að versla jólagjafir, í miðjum hamaganginum finn ég rauða dúnúlpu.

úlpan var þykk og stór og glansaði á hana.

Ég hugsaði, þessi er góð í vetur og keypti hana handa mér.

images

———————————————————————————————–

28.07.2014

Dreymdi að ég var að horfa á mynd eftir Friðrik Þór – Í myndinni var verið að draga tennurnar úr einhverjum.

images

———————————————————————————-

23.07. 2014

Mig dreymdi að við Gauti áttum heima á einhverjum nýjum stað.

Gauti hafði keypt upp undir tuttugu og fimm ný ljós.

Þau voru gerðarleg úr messing.

Ég tók ekki strax eftir þeim, en þegar ég gerði það var ég nokkuð ánægð með þau.

Þegar hann setti þau í samband rauk úr innstungunum því kerfið þoldi ekki álagið.

Hann sagði mér einnig að pabbi gauta vildi að við flyttum út á land og að hann færi á sjóinn.

Ég var mjög hneiksluð á þessari uppástungu.

images

————————————————————————————-

19.07.2014

Mig dreymdi að ég var  stödd inn í íbúð með vinkonu minni.  íbúðina átti geðfatlaður maður.

Vinkona mín hafði tekið þátt í að breyta íbúðinni hans.

Áður hafði maður gengið Beint inn í stofuna en nú var hann kominn með Meira privazi.

Íbúði var mjög snyrtileg og það var búið að henda helling af drasli.

imgres

———————————————————————————————–

18.07. 2014

Dreymdi að ég drap geitung.

imgres

———————————————————————————-

17.07. 2014

Ég var með Oddnýju systur í kínverski verslun.

Við vorum að skoða dúkkur.

Ég var að kenna henni að þekkja muninn á ekta dúkkum og þeim sem voru eftirlíkingar.

imgres-1

————————————————————————–

22.06.2014

Dreymdi að Mikael Torfasson og Ingibjörg Sólrún í gervi karlmanns voru nauða lík.

images

images-1

————————————————————————

16. 06.2014

Mig dreymdi að Jón gnarr kom blind fullur eftir lokun í búðina hjá pabba og mömmu.

Við gauti ætluðum að fylgja honum upp á skrifstofu.

imgres

————————————————————————–

17.05.2014

Mig dreymdi að ég var inni á kostningaskrifstofu.

ég fékk skrifstofu en það var ekki sjálfsagt.

þar voru einnig listamenn með vinnustofur.

Byggingin var stór og flókin.

Ég var að skoða skó, tvö pör sem einhver listamannana var að gera.

Ég keypti grátt par, en þarna á vinnustofunni var verið að undirbúa sýningu.

Ég spurði listamennina hvort þeir væru ekkert hræddir um að verkin þeirra líktust of mikið tísku og hönnun.

Ekkert þeirra var það og þau skelltu í hverja sýninguna á fætur annari.

7963487847581590579—————————————————————————————

10.05. 2014

Mig dreymdi að ég var að hanga með Steinda Jr.

þetta var flókinn draumur.

En Það sem stóð upp úr var að í draumnum vissi ég að hann langaði að skilja við konunua sína.

imgres

————————————————————————-

7.05.2014

Dreymdi að Hilli og Oddný hefðu haldið svakalegt kveðjuboð.

Ég var að plokka löng hár af kálfunum með augnháraplokkara.

Síðar í draumnum hittum við stína, Karlottu.

Karlotta faðmaði stínu að sér en þegar ég var um það bil að fara að faðma hana;

tók ég upp rauðann varalit og teiknaði strik þvert yfir hálsinn á henni.

Þegar enn lengra var liðið á drauminn

horfði ég á skilaboð á himnum sem ég var að senda frænku minni.

sms tákn sem birtust á himninum. Enn einn úr þeirra röðum var dáinn.

Sá sem hafði dáið birtist sem teiknuð sem mynd á himnum.

images

————————————————————–

6.05.2014

Mig dreymdi dáinn hest. Það var líka hundur þarna.

Við Harpa vorum í Israel. Harpa var að vinna með innflytendum.

Innflytendunum var skipt upp eftir þjóðerni.

Harpa vildi af einhverjum ástæðum ekki hleypa mér úr landi.

imgres

——————————————————————-

5.05. 2014

Mig dreymdi að Hörður Braga hringdi í mig.

Hann var í miklu uppnámi því upptökur af verki sem ég hafði leikstýrt eftir Magnús Pálsson höfðu tapast.

ég rauk af stað niðri einhvert listasafn.

Þegar ég nálgaðist salinn heyrði ég Ragnar Kjartansson segja

„þetta er fallegasta verk sem ég hef séð“

Þegar inn í salinn var komið var á öðrum vegnum vídeo varpað í hringlaga form en í hinum endanum svaf ásdís í rúmi.

á þeim endanum var skúlptúr af sæng og kodda sem liðu um.

Ragnar sat við rúmstokkinn hjá Ásdísi.

Ég settist líka á rúmstokkin hjá henni og sagði.

Það er búið að stela verkinu mínu, ég gerði svona verk árið tvöþúsund.

Ég og ásdís hlógum að þessu. Ragna muldraði eitthvað

imgres

———————————————————

4.05.2014

Mig dreymdi að ég var einfætt, það var búið að taka af mér hægri fótinn upp að hné.

Ég var að leita að skóm.

imgres-1

———————————————————————

2.05. 2014

Mig dreymdi að nágranni minn á neðri hæðiinni væri að flytja og vildi selja íbúðina sína.

Hann talaði um að hann vildi ekki bindast einhverri íbúð,

að hann vildi ferðast og vera frjáls. Ég man að í draumnum vildi ég kaupa neðri hæðina,

en þegar hann talaði um frelsið hugsaði ég: Af hverju að eiga stærri íbúð?

imgres

———————————————————————–

1.05. 2014

Mig dreymdi að við gauti vorum að kafa í sundlaug.

Gauti grípur allt í einu um axlir mína og setur ennið fast upp við mitt.

Ég gat ekki andað, vegna þess hversu nálæt hann var vitum mínum.

hann synti svo með mig undir stiga  á einhvern hættulegann stað þar sem við hefðum léttileg getað drukknað.

images

———————————————————————–

8.04. 2014

Mig dreymdi að ég var í tölvuleik í spilakassa.

Við hlið mér var Árni Sveins, hann hafði fengið þartilgerð egg sem pössuðu í leikinn sem hann var að spila.

Egginn gáfu honum mörg líf.

Við töluðum um hvað það væri erfitt að finna sér eitthvað að gera í frítíma.

Draumurinn skipti um svið og ég var stödd þar sem fornámið fyrir LIstaháskólann er kennt.

Ég var æst í að komast aftur í fornámið.

Mig langaði að taka eina önn og ná betri tökum á málun.

images

—————————————————————–

25.03.2014

Ég og Ásdís gengum hlið við hlið í austurhluta borgarinnar.

Við vorum báðar í neon rauðum jökkum.

Þegar við komum inn í botlanga var þar sumarbústaður sem við ætluðum að leigja.

Rúnar Guðbrands hafði verið með bústaðinn á leigu áður en við komum.

Bústaðurinn var í eigu bændasamtakana og þar voru hans fulltrúar.

Þeir töluðu um hversu fínn bústaður væri. við fengum afslátt,

því við komum seint.

————————————————————————————–

20.02.2014

mig dreymdi að ég átti langt samtal við símon birgis í síma.

hann var byrjaður með einni stelpu sem er með mér í bekk í ritlist.

síðar var ég á sýningu hjá sunnu, hún var búin að gera ótrúlega búninga á fólk.

þeir voru úr leðri og voru hver öðrum fallegri.

Svo var ég komin á rúntinn með Laufeyju.

hún var að selja lopaboli.

meðferðis var hún með heilu kassana af vörum og fór á milli að selja.

Aldrei tók hún sýnishorn með.

það versta var að hún var komin í eiturlyf og var undir miklum áhrifum.

———————————————————

13.02.2014

Mig dreymdi að ég var heima hjá Ásdísi. Í gluggakistunum var nokkur smjör stykki. Sum voru bráðin.

—————————————————–

06.02.2014

Eva kom til mín í draumi, hún var barnshafnandi.

við föðmuðumst og það var engu líkara en að við rynnum saman.

í næstu senu draumsins var ég að fæða barn.

heimafæðing.

———————————————————————————–

05.02. 2014

mig dreymdi að við gauti værum að flytja í hús sem var í eigu fjölskyldunnar á álftanesi.

Húsið var með bogadregnum gluggum,

arabískur húsastíll.

Ég var að skoða húsið með Jósu.

ég sagði henni frá að Valdi og erna hefðu fengið að vera í húsinu þar til núna.

Ég spurði jósu að því hvort hún vildi vera hjá okkur þar til hún fyndi mann.

hvort hún vildi sjá um barnið og mat á gegn fríu húsnæði.

ég hugsaði, mig hefur alltaf dreymt um svona hús.

Húsið og garðurinn var svo fallegur að það var draumi líkast.

Það var nótt og tunglinskyn, stórt laufmikið tré og tveir svanir.

—————————————————————————————-

04.02.2014

Mig dreymdi glerborgir. Land sem var ótrúlegt viðskiptaveldi. háir turnar.

Ég var stödd inn í einum þeirra.

Ég hugsaði, þetta á allt eftir að hrynja.

svo fór ég inn á aðal skrifstofuna.

——————————————————————————————

30.01.2014

í nótt var ég á einhverri ótrúlegri eyju – eyjan var agnarsmá.

Það var tónlistarfestival. Mikill heimsenda yfribragð ríkti á eyjunni.

eN í tónlistar og myndbanda gerð voru ótrúlegir hlutir að gerast.

Ásdís hafði beðið mig að koma með sér til að hjálpa sér við að setja texta undir tónlistamyndband.

Í bandinu  voru allavega tíu konur.

ég þyrfti að vera rithöfunudur til að lýsa hvernig umhorfs var þarna.

Það var kannski líkast því að á eyjunni byggju framtíðar horderar.

Blade runner fílingur og líka robo cop.

Við ásdís vorum upp á hálofti að skoða myndbandið.

Það var þvílíkt drast þarna.

Fólkið hafi varið sig á án þess að leyfa hernum að grípa í taumanan eða gefið öðrum leyfi til að verja eyjuna.

 þarna sátum við og horfðum á eitt það flottasta tónlistarvideo sem ég hef  séð.

fólk druknaði í kviksyndi bóka.

Ég get ómögulega útskýrt hvað ég sá.

EN í lokin sagði ég við Ádísi að það ætti alls ekki að setja texta undir videoið.

Boðskapur verksins væri einfaldur og engin þörf á frekari útskýringum.

Ásdís var sammála mér.

Svo horfði ég á þegar herþotum var hleypt af stað.

Það var líka mikið af fólki sem gat galdrað.

og þá fór þetta að tengjast ströndum.

Ég hafði litla trú á þessum göldrum. En eitt skal ég segja ykkur,

allt í umhverfi darumsins var magnað.

————————————————————————————-

28. 12. 2014

Mig dreymdi að ég stóð upp á steini  og var að horfa á upptökur á áramóta skaupinu.

KRISTÍN EYsteinsdóttir var að leikstýra.

Hallgrímur helga kom og spurði mig út í hvort ég hefði verið kosin á þing .

Agla var þarna líka. Ég sagði að ég væri í háskólanum.

Svo kom tóta vinkona Jósu.

En eins og um svo marga drauma endaði þetta í óminni.

——————————————————————————–

23.01. 2014

Darri sagði við mig að hann saknaði mín og

enn frekar að fá að sjá gjörning eftir mig.

————————————————————————————-

21.01.2014

Mig dreyndi að magga bjarna var búin að kaupa litla íbúð – hún veðjaði á eitthvað sem var svo rétt.

Það var hellingur af flugvélum í draumnum.

——————————————————————————–

20.01.2014

Dreymdi í nótt kisu, hún var að gjóta og ég var að taka á móti.

það furðulega var að hún eignaðist mjalla hvítt lamb.

í fyrstu virtist lambið dáið, en ég blés lífi í það.

Það hoppaði út allt.

Það var líka mikið um húsþökum í draumnum.

——————————————————————————————–

18.01.2014

Mig dreymdi að ein planta sem ég átti hefði visnað – öll laufblöðin voru fallin.

Ég vissi ekki hvort ég hafði vökvað of mikið eða lítið.

—————————————————————————-

16.01.2014

mig dreymdi að ég var inni í sveat tjaldi.

þar var maður sem ég kannast við en man ekki hvað heitir.

Hann var í einhverjum vandræðum með sjálfan sig.

Skyndilega breytist hann í stelpu sem ég þekki.

ég talaði við hana um alkahólisma.

———————————————————————————————–

2.01. 2104

Dreymdi að Egill Sæ var að mála sig með mínu snyrtidóti.

—————————————————————————————–

30.12.2013

Dreymdi að einhver hafði sett á netið video af performance sem ég og Ásdís höfðum gert.

Ég mundi ekkert eftir að hafa gert þennan gjörning, en ég var oftast ber að ofan í myndbrotunum.

Búningarnir sem við vorum í miklir og fallegir.

Ég skammaðist mín.

————————————————————————————

24.12.1013

Maggi arkitekt var að leita að plastpoka, hann var að þykjast vera leiður.

Ég fann poka sem var rauður og sagði: Maggi, er ekki rauður uppáhalds liturinn þinn.

  Svo var Siggi páls allt í einu kominn.

Ég var með poka sem var með texta sem tengdist sýningu.

við töluðum um sýninguna.

Um hvernig sýningin hefði fyrst ekki litið vel út, en hafi svo smá saman byggst þannig upp að hún varð góð.

svo var ég út í bíl fyrir utan hún með Jósu,

Bjargey og stebbi voru þarna líka – ég sagði við hana að hún væri frekja að setjast í framsætið.

Jósa fór inn í  hús  en Stebbi beið út í bíl ,

hann talaði um að fólk mætti ekki hengja út þvott,

að það kæmi illa út fyrir ímynd borgarinnar.

Hann sagði líka að hann gæti ekki farið inn í íbúðina sem þau jósa leigðu af  því að hann myndi vera eyðilagður í svo langan tíma á eftir.

——————————————————————————————————-

21.12.2013

Mig dreymdi að ég var að vinna að málverki. Friðgeir og Sigrún voru þarna líka.

Sigrún var einnig að vinna að verki.

Ég man að málverkið var tvískipt.

Annar hlutinn var hálf auður, en á hinum man ég ekki hvað var á.

Ég man að verkið var mjög gott.

———————————————————————————-

15. 12. 2013

Mig dreymdi…þessi hluti draumsins er óljósar myndir.

 ég sat við borð með Hörpu og Ástu og Katrínu.

Seinna var ég að labba á strönd með Katrínu og Dimmu.

Draumurinn skipti um svið…

…Ég var að labba í burtu frá samræðum við Vigdísi Hauksdóttur.

Pabbi var þarna líka, hann sagði eitthvað í þessa átt:

Þegar ég er óánægður með eitthvað læt ég heyra í mér, þess vegna sendi ég þessi kvörtunar bréf.

Ég sagði: Það er ekki hægt að horfa til vinsti eða hægri, þetta væri ónýtur strúktúr.

————————————————————————————————–

11.12.2013

Mig dreymdi að Rúnar Helgi spurði mig hvað ég væri með í mánaðarlaun.

„Ertu með miljón á mánuði?“ Ég varð mjög hissa.

—————————————————————————————–

3.12.2013

Dreymdi að einhver sagðist hafa farið að gráta hún las loka línurnar í kvikmyndahandiritinu mínu.

—————————————————————————————-

28.11.2013

Mig dreymdi að ég var að lesa bók, innan úr bókinni datt blað.

„kæri sáli …(eitthvað – man ekki hvað)

Ég hélt að Oddný systir hefði skrifað þetta en

þá var það tannlæknir sem ég var einu sinni hjá.

Síðan vorum við mamma og pabbi, Eva og Árni í einhverjum lyftum.

Þau voru með mat í fernum.

Við vorum í skýjaklúfri.

Pabbi var að hjálpa okkur að gera eitthvað úr þessum mat.

Þetta var bras.

Svo var það konan með fullu kistuna af baunum.

Ég sagði henni að steikja með þessu rækjur.

Þetta var fátæk kona. Ég var komin í Terapíu,

en var samt á einvhern hátt að aðstoða dóttur hennar.

Við Begga vorum líka að skipuleggja sundferðir.

Ég vildi hafa allt laust, hún vildi skipuleggja allt.

——————————————————————————–

4.11.2013

Mig dreymdi að Stína hefði ekki boðið mér í afmælið sitt.

Ég var sár.

Ég var síðar í draumnum stödd á Möltu með hópi listamanna.

Það var vetur og allt grátt og óhuggulegt,

ég fór með einhverjum í strætó á milli Borga.

Borgirnar voru skrítnar.

———————————————————————————————–

27.10.2013

Mig dreymdi Odnnýju og Agnesi kærustu kristins í nótt.

Oddný var að skoða eldgamalt skrautskriftarsett,

annað var með betri penna en hitt var fallegra.

Ég var að reyna að hjálpa oddnýju að velja á milli.

Hún hætti við að kaupa settið, vildi bíða með þetta.

Í draumnum var ég síðar stödd með agnesi í bíl.

Hún sýndi mér peningabúnt sem hún átti.

Ég var að ráðleggja henni að geyma einhvern hluta þess.

Við fórum svo saman í skóbúð þar afgreiddi gömul vinaleg kona okkur.

Agnes var búin að panta skó sem voru komnir í búðina, ég mátaði annað parið til gamans, Hún hitt.

Skórnir sem Agnaes mátaði  voru mjög gerðarlegt með  háum stöðugum sólum.

Hún keypti skóna.

——————————————————————————

26.10.2013

Dreymdi að ég væri farin í bakinu.

Friðgeir hafði miklar áhyggjur af þessu ástandi.

Eva var ólétt af öðru barni.

—————————————————————————

13.10.2013

Ég var í háskólanum á möltu að læra eitthvað.

Hlín Aganars var að kenna þar og hafði látið þrár manneskjur leika kennara í háskólanum.

Ég hringdi í morgunblaðið og sagði frá þessu.

Blaðamaðurinn skrifaði niður fréttina og var mjög áhugasamur.

———————————————————————————————–

08.10.2013

Mig dreymdi að pabbi Hörpu og ástu var að breyta öllu heima hjá sér.

ég sagði, það er svo gott að breyta til.

——————————————————————————————-

05.10.2013

Mig dreymdi að ég var í fjallgöngu með fjölskyldunni.

Þau öll nema ég og Sól voru komin upp á topp fjallsins.

Þau voru á leiðinni niður aðra hlíðfjallsins.

Það reyndist okkur sól erfitt að komast niður fjallið.

Pabbi labbaði því aftur upp á topp og og hjálpaði okkur sól niður.

—————————————————————————————————————–

04.10.2013

Hún sat við borð, andlitið á henni var breytt, nú bar hún andlit mannsins síns.

Undir belti bar hún barn, barn sem var ekki með neinar hendur.

————————————————————————————————-

03.10.2013

Við Gauti vorum í áður  óþekktri borg. við löbbuðum yfir brýr, það var ógn, menn.

Ég var síðan með öðrum listamönnun, einhvernstaðar. ég keypti skrítinn skyndibita og tóbak.

Hlín Agnars var líka þarna. Ég horfði á myndband af snjóflóði.

Ég grét af því að til Íslands voru komnir ferðamenn sem áttu eftir að deyja.

———————————————————————————————————–

28.09.2013

Kisurnar hans Friðgeirs voru farnar að leika í bíómyndum.

Hann sagðist fá háa upphæð fyrir að lána þær í kvikmyndir.

Ég sagði, kannski get ég farið með Ljósnas og Tobba, þeir geta líka leikið.

Ég spurði Friðgeir hvort ég gæti fengið númerið hjá kvikmyndafyrirtækinu.

Ég hugsaði samt með mér að kannski myndi Tobba og Ljónasi líða illa á settinu.

Að kannski væri mikill hávaði þar og þeir þyrftu að vera í búrum.

Friðgeir vildi ekki láta mig fá númerið, hann saðist sjálfur vera með fimm ketti og vildi koma þeim öllum að.

 

—————————————————————————————————-

25.09.2013

Dreymdi að við gauti vorum að skoða íbúð á Möltu.

Þetta var ný blokkaríbúð, nokkuð falleg.

Fyrr í draumnum höfðum við ætlað að fara með Jónsa á fuglaveiðar.

Hann ásakaði mig um að ég hafði eldað fuglinn vitlaust síðast þegar við fórum á veiðar.

Ég labbaði með fram ströndinni þar sem var markaður.

Ein stúlka vildi ólm selja mér kjól, ég leit á merkið og á stóð holy….(man ekki alveg).

Ég keypti ekki kjólinn.

Ég var með mömmu í símanum, ég sagði henni samt frá kjólnum.

Stína og Steinar voru þarna líka, þau voru á leiðinni í ferðalag. Stína var með útblásinn maga.

Hún hjálpaði mér með texta og fór og keypti ís handa okkur.

———————————————————————————

22.09.2013

Dreymdi að Begga var búin að lita á sér hárið svart.

Hún var með topp og hárið var mjög sítt.

Í hárinu voru gullitaðir blettir.

Mér fannst þetta mjög fallegt en Harpa var ekki sammála.

Svo var ég á tala við leikstjóra – hann sagði að það eina sem að hann vildi væri að vera elskaður.

———————————————————————————————-

8.09.2013

þar sem Ég horfi til himinins sé ég að tákn streyma fram hjá í skýjunum.

Tölustafir, nöfn og stafarugl.

Ég hugsaði, ég verð að komast í upptöku af þessu til að geta lesið í táknin.

Buch fyrrum forseti bandaríkanna kom með yfirlýsingu um táknin. Hann sagði að þetta væri eðlilegt.

Seinna í draumnum þurfti ég að labba til baka – leið sem ég hafði farið áður.

Ég var mjög hrædd, því þarna voru núna komnar gröfur og allt var út í reyk.

Ég gekk þó í gegnum vélaskóginn.

Seinna í draumnum var ég að þrífa eldhús sem var sameign myndlistarmanna.

Þar voru Unnar, Karlotta og Bryndís.

Við vorum ekki sammála um hversu vel þyrfti að þrífa.

ég vildi fara með dósir og annað í endurvinnsluna.

———————————————————————————————-

3.09.2013

í nótt dreymdi mig að ég og Gabríella áttum langt og gott samtal.

Um hvað, man ég ekki.

——————————————————————————————–

2.09.2013

Mig dreymdi að ég var stödd í  borg sem lá við sjó.

Þetta var við miðjarðarhafið að ég hélt.

Ég var komin inn í skemmu þar sem voru

lömb, kanínur, kisur og ljón með ljónsunga.

Í fyrstu var ég pínu hrædd, en svo var mér sagt að öll dýrin væru ljúf og góð.

Stuttu síðar var ég að sópa gólf á hnjánum.

Ég spurði hver hefði átt þetta magnaða hús sem ég var að þrífa, það var leikona með spádómsgáfu.

Og borgin sem ég var stödd í var Kópavogur, ég var ekki við miðjarðarhafið.

Ég fann loksins kúst með skafti og gat sópað upprétt.

Einar var þarna.

———————————————————————————-

14.08. 2013

Í nótt hrósaði ég Jónsa fyrir mynd sem að hann hafði gert.

Myndin  líktist málverkum sem ég hafði gert.

Ég sagði að nú væri hann farin að gera nútímalegar myndir.

————————————————————————————————–

06.07.2013

Dreymdi í nótt að maður vinkonu minnar var búin að tæma

vinnuherbergið sitt. Ég var að kíkja á mjög skrítna sófa sem hann var að

losa sig við.

——————————————————————————–

03.06. 2013

Mig dreymdi að ég var að skála fyrir því hvernig

dekkað var upp í einhverri svakalegri menningarveislu.

Sumir fussuðu, því þarna var leirtauið að mestu leiti ósamstætt.

Ég sagði að svona ætti þetta að vera.

Síðan voru teknir fram pallar sem ég og Bryndís áttum að sitja við.

Heiðurspallar kennara.

——————————————————————————————————-

20.05 2013

Ég átti eftir að skila inn vinnubókum í tveimur ljóðakúrsum.

Ásdís og Unnar voru  líka í þessum tímum.

Ég tók vitlausan strætó, var komin heim til pabba og mömmu.

Það var eitthvað fólk inn í stofu hjá þeim, en mamma var sofandi.

 Einhver sagði mér einkunnin lækkaði um einn heilan hvern dag sem ekki var búið að skila inn.

Ljóðin mín voru út um allt og þetta var mjög niðurdrepandi.

————————————————————————————–

05.05. 2013

Mig dreymdi að ég væri að príla á húsþökum.

Ég varð lofthrædd og smeigði mér inn um glugga á næstu íbúð.

 Þar inni var ógeðslegur maður sem ég var mjög hrædd við.

Ég tók upp símann og hringdi í 1717 sem var neyðarnúmerið.

———————————————————————————

04.05. 2013

Við  Harpa Arnardóttir vorum að keyra á bílaplani.

Það var einn annar bíll á planinu.

hann var kyrrstæður og í honum voru tveir strákar.

Þeir hrópuðu eitthvað út um bílrúðuna, ég varð mjög hrædd,

læsti bílhurðinni og sagði Hörpu að gefa í.

Seinna í draumnum hitti ég Hörpu en þá hafði hún ætlað að láta draga úr sér eina tönn.

Það fór ekki betur en svo að allar tennurnar voru dregnar úr henni.

Hún var alveg tannlaus.

———————————————————————-

03.05.2013

Mig dreymdi að ég var í rútu sem keyrði á milli hótela. Ég var að leita að herbergi.

Það var mjög erfitt að fá herbergi.

——————————————————————————————

26.04.2013

Ég var að lesa blað, á forsíðunnni var ljósmynd af einhverjum mönnum, davíð oddsyni og pabba.

Pabbi var rosalega glaður á myndinni.

Pabbi var með kassa á hausnum sem var fullur af frímerkjum, afklippum. Síðar sá ég líka Bjarna Ben.

Allt í einu var ég í einhverri borg með Sigtryggi berg.

hann var með bakpoka með tveimur heimspeki ritum.

Hann sagði frá kenningum en ég kom með mótrök.

Seinna var ég á mínu æsku heimili. við rúmið hjá mömmu var mikið af þvotti.

ég var í litla herberginu á ganginum.

Við pabbi vorum að kíkja á einhverjar bækur. þær voru mjög gamlar.

—————————————————————————————————-

24.04.2013

Mig dreymdi að við Gauti værum að ferðast með easy Jet flugfélaginu.

Ég spurði sjálfan mig hvort þetta væri nógu öruggt.

—————————————————————————————

23.04.2013

Dreymdi að krístín og Sigurður væru að borða bjúga.

Ég hugsaði, þau eru líklega úr sveit.

 

——————————————————————————————-

07.04.2003

MIg dreymdi að ég var niðri Tjarnarbíói.

Þar voru Vignir og Víkingur og Ragnar Braga.

Ég var á leiðinni á fund við Hjálmar rektor LHÍ.

Ég brá mér eitthvað frá en þá notuðu strákarnir tækifærið og borðuðu allt nestið mitt.

Skildu aðeins leyfarnar eftir sem þeim líkaði ekki.

Ég varð gríðarlega sár og innti eftir svörum – hvers vegna borðuð þeir allt frá mér.

ÞEir voru bara með stæla. Ragnar B. var með annan helming andlitsins málaðann.

hann gat á einhvern furðulegan máta  bara sýnt annan helming andlits.

Hinn helgmingin notaði hann til að gera lítið úr mér við strákana.

Loksins komst ég að hjá Hjálmari Ragnarssyni.

en þar sem ég sit við borðið tekur hann upp svartan spilastokk

Báðar hliðar spilanna voru svartar.

við það skipti draumurinn um svið, ég var  komin til GUðfinns.

hann er mjög kátur og glaður því hann var búin að kaupa spilastokk .

Stokk sem var alveg auður báðum megin.

Hvít spil.

————————————————————————————————

06.04.2013

 Það var einhver brjálaður í draumnum.

Síðar var ég heima hjá Oddnýju systur þó ekki á hennar heimili eins og það er í dag.

FLækjustig darumsins er þarna orðið mikið.

Ég var með kissuberjatómatakassa,

Þetta snérist um Chakalann, Oddný var búin að fá leðurjakka sem hún hafði keypt af mömmu.

Hún hafði sagt við mömmu:

hér eru fimmþúsund og eitthvað krónur og tekið jakkann.

Ég mátaði jakkann,

hann var stuttur með kögri og sá að þessi jakki klæddi mig betur en Chakalinn .

Mér fannst frekt af Oddnýju að taka jakann,

Síðar var ég í einhverri risabygginu sem var búið að breyta í  listasafn.

 þar var mikil veisla þarna. Það voru margir Íslenskir leikarar þarna.

Nokkrir voru í dragi, Ég man AÐ jón páll tattomeistari var þarna.

Það var eitthvað matar mál í gangi. Hver ætti hvað.

Síðar var ég farþegi í  bíl sem var á leiðinni til L.A .

á móti okkur kom annar bíll sem ók beint framan á okkur.

Við sluppum vel og ég hugsaði um tryggingar.

Ég held að við höfum farið aftur á listasafnið.

Þar var rifist um feminisma.

—————————————————————————————————–

05.04.2013

MIg dreymdi að ég sópaði upp flugu og setti hana inn í Biblíuna,

vinkona mín sagði mér að þannig væri best að hafa það.

flugan myndi síðan verða að púpu.

Ástæðan fyrir þessum gjörningi var að strákurinn sem ég var  hrifin átti að verða

 aftur og aftur hrifinn af mér.

Svo voru pabbi og mamma þarna,

ég var búin að vera að flokka mikið af dóti  í kössum, henda miklu.

Ég sýndi foreldrum mínum  hvað það ætti eftir að flokka lítið .

það hundur í draumnum sem var innilega vinveittur og ég var góð við hann.

————————————————————————————————————-

04.04.2013

Mig dreymdi að ég var í stórborg.

Ég bjó í leiguhúsnæði.  Anna Sigga var í draumnum.

Ég var að dansa. Mamma og pabbi voru líka í draumnum.

Einhver var með blis.

Ég var að spila póker. kallaði á Gauta til að fá hjálp en hann kom of seint.

Ég var búin að tapa.

Það var seinkun á einhverju.

í draumnum voru líka litlar flugvélar.

Dætur ástrósar voru í draumnum. Önnur þeirra sú eldri var rosalegur dansari,

líktist undrabarni.

——————————————————————————————————

30.03.2013

Mig dreymdi að ég var inn á einskonar skemmtistað.

Friðgeir var þarna. Hrafnhildur og fleira fólk úr ritlistinni líka Hannes og man ekki meir.

Þetta snérist um hvort við værum búin að fá leyfi fyrir einhverju.

Draumurinn var eiginlega of mikið mauk svo hægt sé að koma honum almennilega frá sér.

————————————————————————–

26.03.2013

Dreymdi að vinkona mín var að máta jakka sem maðurinn hennar hafði gefið henni.

jakkinn var allt og lítill þar sem hún hafði bætt aðeins á sig.

Hún var svo komin með samskonar jakka en í stærra númeri.

En þá var hann of stór.

Jakkinn var grár og frekar herralegur

———————————————————————————————————-

22.03.2013

Mig dreymdi að Guðrún Ásmundsdóttir færði mér lyklakippu.

Á kippunni áttu að vera tveir lyklar en þá vantaði.

Guðrún fann þá og bað mig að fara í kirkjuna og ná í eitthvað sem ég man ekki hvað var.

Ég fann samt að ég var eitthvað smeik við að fara ein.

Það var töluverður hópur af fólki fyrir utan kirkjuna,

mikið að listamönnum.

Ég man að Snorri, VAldi og Erna voru þarna og ég bað Ernu um að koma með mér.

Mér fannst eins og Snorri væri svolítið fúll að Guðrún skyldi biðja mig að fara en ekki hann.

Síðan var ég í skrítinni búð að kaupa leir,

þetta var hvítur Fabu leir. Það voru líka skrítnir matarvagnar í draumnum.

Borgir.

———————————————————————————————–

21.03.2013

MIg dreymdi að Magga Bjarna var að sýna mér að það væri ansi mikil ló undir ofnunum hjá mér.

Ég man ég skammaðist mín og sagði henni að þetta væri nú vanalega ekki svona.

Að ég þrifi yfirleitt með tusku undir ofnunum.

Svo sagði hún mér að ég ætti taka þurrt sápustykki og nudda því yfir andlitið,

þannig myndi ég ná því alveg sléttri áferð.

Ég horfði í spegil og nuddaði yfir allt andlitið sápu.

Ég varð slétt.

—————————————————————————————————-

20.03.2013

Mig dreymdi að mamma sagði mér að  hún væri svo hrifin af fuglum.

Ég sagði henni að hún hafi ekki verið það áður.

Svo var ég á leiksýningu hjá Viðari.

Þetta var lítil sýning. Allir leikararnir í sýninginnu voru naktir og sýningin færðist milli staða.

Staða sem flestir voru litlir. Síðar var ég  í vesturbænum,

þar var ég að flytja hvít auð auglýsingaspjöld

inn á kaffihús. Ég hafði orð á því að svona spjöld væru bara í vesturbænum.

Að enginn þorði að hafa spjöldin úti yfir nótt annars staðar.

———————————————————————————-

19.03.2013

MIg dreymdi að Gauti var að máta nýja skó,

þeir voru fóðraðir að innan.

———————————————————————————————–

16.03. 2013

Mjög óljós nótt, en það var stætisvagn í draumnum.

——————————————————————————————————————

19.02. 2013

Mig dreymdi að við Gauti breyttum miða sem við áttum til

Milanó og ákváðum að fara frekar til Sikiley. Ég var að kveðja pabba og mömmu á

flugvellinum og mamma talaði um að við værum dramatísk fjölskylda.

Ég millilenti og var á einhverju Hóteli.

Þar fann ég úr af Hilmari – verulega vandað og veglegt úr sem

hann hafði gleymt.

————————————————————————-

15.02. 2013

Mig dreymdi að Berglind kom í heimsókn.

hún var mun hærri en hún er og í skósíðri kápu.

Síðar var ég stödd í fatabúð með mömmu, hún var að velja sér yfirhöfn.

Hana langaði í tvo jakka – annar var frekar litríkur síður en hinn stuttur

og svartur. Hún valdi þann svarta.

Seinna í draumnum sá ég unga konu með litla stelpu.

Þær voru báðar með hár niðrá hæla. Hár þeirra var mjög ritjulegt.

Ég gaf mig á tal við þær út af hárinu og við ákváðum að hittast daginn eftir.

Ég þurfti að labba nokkuð langt til að hitta þær, ég tók

eftir því að stelpan var illa hirt og í skítugum kjól.

Síðar hitti ég menn sem sögðu mér að ég ætti að skella mér

til útlanda  (man ekki hvert) að sjá Amadeus uppfærslu.

Ég sagði þeim að ég myndi fara með Gumma bróður.

——————————————————————————–

09. 02. 2013

MIg dreymdi að ég var í lest með Stínu – við héldum að við værum í vitlausri lest.

 Svo við  fórum úr lestinni og vorum á leiðinni niður

 virkilega hættulega brekku til að taka rétta lest.

En þá föttuðum við að þetta var rétt lest sem við höfðum verið í.

Svo við fórum með henni.

HIlmar var líka í draumnum,  þetta var óljóst –

en þetta hafði eitthvað með rafmagn að gera og tímamæli.

hann tengdi það og lagaði. Allt var gott.

————————————————————————————-

05. 02. 2013

Mig dreymdi að Snorri hefði fengið tvær residensíur úthlutaðar.

Önnur var uppí Breiðholti hin í Belgíu.

Ég spurði út í dóttur hans og það var annað lítið barn.

Ég sagði við hann að annað hvort væri verið að launa honum góðmennsku, eða hann væri

á stað þar sem allar hans óskir rættust.

Svo var ég að rífast við Oddnýju – heiftarlegt rifrildi sem stigmagnaðist þar til við

vorum farnar að slást.

————————————————————————————————–

04.02.2013

Mig dreymdi að ég væri að mála bíl með svörtu lakki.

——————————————————————————–

02. 02. 2013

Við Gauti áttum heima á lofti.

Þar sem að ég kem heim blasa við mér sex svartir kettir sem búnir voru að koma sér vel fyrir.

þeir voru mjög grimmir.

LJónas og Tobbi voru í hnipri.

ég hugsaði: vonandi eru þessir sex ekki búnir að míga hérna og taka  yfir.

——————————————————————————

30.01. 2013

Dreymdi að ég var á ferðalagi – var að koma aftur á stað sem var mér kær.

Staðurinn var meðfram strandlengju.

Ég talaði um í draumnum að við Gauti myndum koma aftur á næsta ári og keyra þá um.

Magga Bjarna var líka í draumnum,

við vorum að tala við Heimi frænda Hilla.

Ég var á þessum sama stað en nú var ég út á bát.

Það var gamall maður í bátnum sem að vildi ná í sef úr hafinu.

Ég bannaði honum það, hann var of gamall til hreyfa sig of mikið.

——————————————————————————————————-

28.01. 2013

Mig dreymdi að ég var alveg brjáluð út í Oddnýju systur.

Hún var að nota mínar hugmyndir í myndlistarverk sem hún var að gera.

Ég var heima hjá rapparastrák sem að er í AA ég var búin að setja mikið af dóti frá

honum í bakpoka hjá mér. Svo sofnaði ég og vissi ekki hvaða tími dags var þegar ég vaknaði.

Það var einskonar karnival á Laugarvegi. Ég spurði fólk hvað klukkan var.

Allt í einu var ég að vinna mynd, maður í hjólastól kom, hann skildi ekki hvað ég var að gera.

Ungi rapparinn  hafði síðan stolið kortinu mínu og pantað eitthvað. En hann var ekki með

leyninúmerið, svo færslan fór ekki í gegn. Síðan var ég með Alessandro,

hann bjó á eyju sem lág á milli tveggja landa.

Þar var líka Daníel í Ný dönsk, hann sagði mér að hann ætti margar konur.

Ég horfði ofan á eyjuna. Þar var ég með skissubók með mikið af teikningum af höndum.

——————————————————————————————————

27.01. 2013

Mig dreymdi að ég gaf Hörpu dagbók sem ég og Sól höfðum áður notað.

Marsibil var þarna og við vorum að

segja henni frá spennandi stöðum í Berlin. Ég talaði um hvað hún liti vel út.

Harpa talaði um að strákur sem að við þekkjum væri ekki að nota ilmvatn frá Katrínu.

Harpa sagði að hún hafi ekki fundið þá lykt af honum.

Ásta og Júlla voru þarna líka, við rifjuðum upp Berlínaferð.

Við höfðum verið þar í þrjá daga.

Þar fórum við á tónleika og í fatabúðir.

Einnig í sundlaug sem líktist fyrstu sundlaugunum hér á Íslandi.

Í draumnum mátaði ég kjól sem ég hafði áður prufað, þá passaði hann á mig,

en ég fílaði hann ekki.

Nú þegar ég mátaði hann aftur var hann ekki til í mínu númeri.

Hann var of lítill.

—————————————————————————

23.01. 2013

Dreymdi tvo litla hunda í nótt.

Ég var líka í sendiferðabíl sem þurfti að stöðva af því að hurðin sveiflaðist til.

Hespan sem hélt bílhurðinni aftur var brotin.

Ég bjó tímabundið með pabba Gautaog bræðrum.

—————————————————————————————-

12.01. 2013

Mig dreymdi að ég var með hund inná mér. Hann sat klofvega yfir mér.

Stundum lak hann niður og ég horfði á hann undir kápunni.

Hann sat síðan bundinn, ólin hans var flækt við ró en það var létt að leysa hann.

Allt í einu var ég stödd í leikriti hjá Rúnari Guðbrandssyni sem var sýnt út á hraðbraut.

Leikhópnum var skipt í tvær fylkingar. Annar gekk á hraðbraut hinn á aðrein sem mættust.

Hópurinn talaði  saman þegar hann hittist.

Draumurinn skiptir um svið ég var inni í eldfjalli þar sem barn var að fæðast upp úr holu í jörðinni.

Þetta var mitt barn.

Valur og Ella voru þar líka.

Í draumnum var ég að hugsa um námsferil hennar.

————————————————————————————————————-

3.01. 2013

Mig dreymdi að ég væri að mála loftmynd.

var hátt uppi á stiga með litakubba.

—————————————————————————————————-

2.01. 2013

Dreymdi í nótt að oddný systir mín hefði gefið mér rauða skólatösku úr leðri.

í fremsta hólfinu var stimpilmerki sem á stóð Loftleiðir með merkingunni 111 á tveimur stöðum.

Þar var líka box með tannstönglum.

Síðar í draumnum var ég með performans,

ég lá upp í sófa og las og talaði.

Við hlið mér lýsti yfirlesari bókina sem ég var að lesa.

Þarna var einnig íslenskufræðikennarinn Berglind.

——————————————————————————————————-

Ég er mikið að hugsa um Jesus þessa dagana.

———————————————————————————-

1.01. 2013

Mig dreymdi að Bjarni Ben var í heimsókn hjá okkur Gauta.

Þetta er fyrsti draumurinn sem að mig dreymir á nýju ári 2013.

Hvað veit þetta á?

——————————————————————————————-